სპორტის კოლეჯი პროფესიული განათლების სპორტული ფესტივალის გამარჯვებულია
28 ივნისს, ქ.თბილისში, მუშტაიდის ბაღის მინი სპორტულ მოედანზე, პროფესიული განათლების სპორტული ფესტივალის ფინალური შეხვედრების ფარგლებში, ჩვენმა კოლეჯმა 3:1 გაიმარჯვა და ტურნირის ჩემპიონის ტიტული მოიპოვა.
ფინალურ დაპირისპირებაში ერთმანეთს აღმოსავლეთ საქართველოს გამარჯვებული - სსიპ საქართველოს ფიზიკური აღზრდისა და სპორტის სახელმწიფო კოლეჯი და დასავლეთ საქართველოს გამარჯვებული - სსიპ კოლეჯი ახალი ტალღა შეხვდა!
შეჯიბრებების დასასრულს გაიმართა საზეიმო დაჯილდოების ცერემონიალი, სადაც გამარჯვებულ გუნდებსა და მოთამაშეებს თასები და ინდივიდუალური ჯილდოები გადაეცათ.
ფესტივალი ჩატარდა სსიპ ილია წინამძღვრიშვილის სახელობის კოლეჯი - ის, კოლეჯი ,,მოდუსი"- ის და პროფესიული უნარების სააგენტოს დაფინანსებით. აღნიშნულმა ფესტივალმა ხელი შეუწყო პროფესიული განათლების პოპულარიზაციას, კოლეჯებს შორის დაახლოებას, სტუდენტების ურთიერთგაცნობასა და ჯანსაღი ცხოვრების წესის პოპულარიზაციას.
მადლობა ორგანიზატორებს, ჩვენს გუნდს და გულშემატკივრებს.
