2020 წლის 27 იანვარს სპორტის კოლეჯის - ბეჭდური და ონლაინ გამოცემების რეპორტიორის პროგრამის სტუდენტები, პედაგოგ მარიამ ზირაქიშვილთან ერთად, გაცნობითი პრაქტიკის მიზნით - გაზეთ ,,ლელოს’’ ეწვივნენ, სადაც მათ გაზეთის საპატიო რედაქტორმა - ბატონმა თენგიზ გაჩეჩილაძემ მასტერკლასი ჩაუტარა.
სტუდენტები დეტალურად გაეცნენ რედაქციისა და ჟურნალისტების მუშაობის სპეციფიკას და მათთვის საინტრესო კითხვებზე ამომწურავი პასუხებიც მიიღეს.
სსიპ საქართველოს ფიზიკური აღზრდისა და სპორტის სახელმწიფო კოლეჯი უკვე წლებია თანამშრომლობს გაზეთ ,,ლელოსთან', რომელთანაც გაფორმებული აქვს ურთიერთშეთანხმების მემორანდუმი. კოლეჯის სტუდენტები ყოველწლიურად გადიან გაცნობით პრაქტიკას და საწარმოო პრაქტიკას, რაც დიდ შესაძლებლობასა და გამოცდილებას აძლევს კოლეჯის კურსდამთავრებულებს.
სპორტის კოლეჯის სახელით გაზეთ ,,ლელოს' რედაქციასა და ბატონ თენგიზს დიდ მადლობას ვუხდით გულითადი მასპინძლობისათვის!
