"ევროპის სპორტის კვირეულის" ფარგლებში, საქართველოს განათლების, მეცნიერების, კულტურისა და სპორტის სამინისტროსა და საქართველოში ევროკავშირის წარმომადგენლობის ინიციატივით, აღიარებულ სპორტულ ორგანიზაციებთან ერთად, დაიწყო COVID-19 ვირუსით გამოწვეული პანდემიის პირობებში ფიზიკური და სპორტული აქტივობების ხელშემწყობი ონალაინ კამპანია "#BeActive - შემოგვიერთდი და გააზიარე პოზიტიური მუხტი!". კამპანია მიმდინარე წლის 13 ნოემბრამდე გაგრძელდება.
მოტივაციის ასამაღლებლად, კამპანიის განმავლობაში, ყოველ პარასკევს, პირველი 50 მომხმარებელი, რომელიც ატვირთავს ფოტო / ვიდეომასალას, დაჯილდოვდება ბრენდული საჩუქრებით.
დეტალური ინფორმაცია კამპანიის შესახებ, იხილეთ "ევროკავშირი საქართველოსთვის" ვებ-გვერდზე eu4georgia.ge კამპანიების კატეგორიაში [ბმული https://eu4georgia.ge/ka/beactive/].
სპორტის კოლეჯი მიესალმება აღნიშნულ წამოწყებას და მოუწედებს მის სტუდენტებსა თუ კურსდამთავრებულებს ჩაებან ამ კამპანიაში.
